زيي زي كل المصريين
بس الموضوع قلب بجد قوي ، يا جدعان دي كورة كوووورة ، التعصب للنادي او المنتخب موجود في كل حته ماقلناش حاجة
لكن اللى بيحصل دلوقتي اسمه هبل .. بجد هبل هبل ... مش ناقص بجد غير انهم يعقدوا قمة عربية عشان تكمل .
انا شايفة ان الحكاية واخدة اكتر من حقها بالذات مع الجزائريين .. انا خايفة يعلنوا حالة الحرب علينا
بعدين بقى زهقت من التلفزيون ... بقى ممل بطريقة مملة خليتني مليت ... كمية كبيرة من الملل مش كده
كل البرامج بكل انواعها بلا استثناء ملهاش غير سيرة مصر والجزائر .. هنخلص امتى بقى
وانا كمان على فكرة مملة عشان بتكلم عن نفس الموضوع
مش فاهمة ليه مفيش مواضيع تانية بتناقش على الساحة دلوقتي؟ معقول مفيش ولا حاجة تانية مهمة
ولاهي مصر بقت عبارة عن منتخب بيلعب وجمهور بيشجع و توتة توتة خلصت الحدوتة ؟
بالمناسبة : الناس اللى بيتضربوا في الجزائر دول محدش هيجيب لهم حقهم ، فكل الهيصة اللى شغالة دي مالهاش لازمة ، دمنا بيتحرق وخلاص
أحمد مكي : انت العاقل الوحيد في الليلة دي
(كجزائري .. مع احترامي للجزائريين .. بس مشفتش حد منهم قال كلمة عدلة)
