ya 3alem

صورة لميدان التحرير ليلا

في 25 يناير 2011

هتف عشرات الآلاف من المصريين 

"الشعب يريد اسقاط النظام"

_____________________________

"إذا كنت قدرنا فليوفقك الله وإذا كنا قدرك فليعنك الله" الشيخ متولي الشعراوي

أبواب السما كانت مفتوحة ساعتها

و ربنا أعانك علينا 30 سنة :)

و يا عالم

هي التيليفزيونات عاملة عبيطة ليه ؟؟

25 يناير

25-Jan-2011

هيفرق

حتى لو شايفين تأثيره مش كبير

يمكن ما كنتش مقتنعة بفكرة تحديد يوم

بس أعترف اني مُتفرجة  مع باقي المتفرجين

و ده اعتراف واجب
لحد ما يجي يوم واتنقل لخانة الفاعل
مش فكرة مظاهرات بقى

فكرة "أي شي يطلع بإيدي"

3eeb keda ya baba

nig‧ger[countable] taboo

a very offensive word for a black person. Do not use this word.

Longman English Dictionary Online

when I  read that I was like ... huh??

fe dictionary mo7taram y2ool keda??

" Do not use this word."

:D:D:D

da7aktny wAllahi

....

تقدر

مين قدك

:)

___________

" What terrifies one generation is likely to bring only a puzzled smile to the next."

Arthur Miller

يا مطر

هيلا هيلا يا مطر- لحمزة نمرة




=)

....

يا أذكيا طبعا مش هتحصل ثورة زي عندهم على الأقل مش دلوقتي 

بلاش حد يستذكى و يولع في نفسه

أكيد مش هتحصل ثورة طول ما احنا عندنا هناء و سيد ومنى الشاذلي و معتز الدمرداش و مجدي الجلاد .

التوانسة كان مقطوع عليهم ميه و نور ... مفيش حد يقدر ينطق لا تلفزيون و لا جرايد .. وكمان مواقع انترنت كتير كانت ممنوعة

انما احنا ما شاء الله بنفرغ كل الشحنات السلبية كلها أول بأول .. بالكلام

قول اللى انت عايزه و اشتم زي ما انت عايز.. هي الشتيمة بتلزق ؟؟

المهم ان انت تسمع كلامنا في الآخر زي الشاطر.

مش معنى كده انه مش ممكن تحصل عندنا ثورة .. لأ طبعا الله أعلم .. محدش يقدر يحكم ، بالذات لأن الشعب المصري ماعملش ثورة ضد حاكم قبل كده .. بالتالي الظروف اللى توصله لمرحلة الثورة مش معروفة .

اللى عايزه أقوله بس بلاش نزيط  في الزيطة و خلاص 

اه حاجة كمان

اللى عايز يعمل حاجة بيعملها ما بيعملش اعلان قبلها

أنا رايح أغير الواقع..تيجي معايا ؟ =)








الطيور لأمل دنقل
(1)
الطيورُ مُشردةٌ في السَّموات,
ليسَ لها أن تحطَّ على الأرضِ,
ليسَ لها غيرَ أن تتقاذفَها فلواتُ الرّياح!
ربما تتنزلُ..
كي تَستريحَ دقائقَ..
فوق النخيلِ - النجيلِ - التماثيلِ -
أعمِدةِ الكهرباء -
حوافِ الشبابيكِ والمشربيَّاتِ
والأَسْطحِ الخرَسانية.
(اهدأ, ليلتقطَ القلبُ تنهيدةً,
والفمُ العذبُ تغريدةً
والقطِ الرزق..)
سُرعانَ ما تتفزّعُ..
من نقلةِ الرِّجْل,
من نبلةِ الطّفلِ,
من ميلةِ الظلُّ عبرَ الحوائط,
من حَصوات الصَّياح!)
***
الطيورُ معلّقةٌ في السموات
ما بين أنسجةِ العَنكبوتِ الفَضائيِّ: للريح
مرشوقةٌ في امتدادِ السِّهام المُضيئةِ
للشمس,
(رفرفْ..
فليسَ أمامَك -
والبشرُ المستبيحونَ والمستباحونَ: صاحون -
ليس أمامك غيرُ الفرارْ..
الفرارُ الذي يتجدّد. كُلَّ صباح!)
(2)
والطيورُ التي أقعدتْها مخالَطةُ الناس,
مرتْ طمأنينةُ العَيشِ فَوقَ مناسِرِها..
فانتخَتْ,
وبأعينِها.. فارتخَتْ,
وارتضتْ أن تُقأقَىَء حولَ الطَّعامِ المتاحْ
ما الذي يَتَبقي لهَا.. غيرُ سَكينةِ الذَّبح,
غيرُ انتظارِ النهايه.
إن اليدَ الآدميةَ.. واهبةَ القمح
تعرفُ كيفَ تَسنُّ السِّلاح!
(3)
الطيورُ.. الطيورْ
تحتوي الأرضُ جُثمانَها.. في السُّقوطِ الأخيرْ!
والطُّيُورُ التي لا تَطيرْ..
طوتِ الريشَ, واستَسلَمتْ
هل تُرى علِمتْ
أن عُمرَ الجنَاحِ قصيرٌ.. قصيرْ?!
الجناحُ حَياة
والجناحُ رَدى.
والجناحُ نجاة.
والجناحُ.. سُدى!

موطني .. موطني

هل أراك .. هل أراك 

سالما منعما و غانما مكرما 

هل أراك في علاك

تبلغ السماك.. تبلغ السماك* 

موطني .. موطني

________________________

ليه النشيد الوطني بتاعنا- بالذات الجزء اللى بنغنيه- مع كامل احترامي مالهوش معنى ولا طعم ؟؟

________________________

*السماك : نجم في السماء

يعيشك برشا :)

"ششش..سامع ده ؟ دي رياح التغيير"   قندل ..شركة المرعبين المحدودة :)

14-يناير-2011

الشعب التونسي يطيح برئيس الجمهورية زين العابدين بن علي

2011

واضح انها هتبقى مليئة بالأحداث .. يا رب خير و يا رب للأحسن

بس في سؤال جوايا عمال يزن على دماغي

هي دي فعلا رياح التغيير؟؟ و لا الصورة لسه مش مكتملة ؟؟

يعني الاحتجاجات اللى في الجزائر و بعدين تونس و دلوقتي الأردن عشان فعلا الناس زهقت ؟؟

و جو القلق اللى اسبابه مختلفة في كل بلد  ده صدفة؟؟

مصر .. السودان .. الجزائر .. تونس .. و حتى لبنان 

مش فكرة نظرية المؤامرة .. بس يمكن عشان ما تعودتش اشوف حاجة كده ، اتعودت انه مع مرور الزمن على أي حدث العرب بيكتشفوا انه 

there was a puppet and there was a puppeteer

بس حتى الأسئلة اللى  جوايا دي ما منعتش اني ابقى مبسوطة جدا بالشعب التونسي

و احس بشعور "يا بختكو"

يا رب تبقى التجربة مختلفة .. و ربنا يتمم لكم على خير و يهدي سركم :)

و يا رب القلق اللى حاصل ما يبقاش ليه دعوة ببعضه و اطلع انا بتفزلك و خلاص كعادتي .. و ما يبقاش في حاجة تانية مش عايزنها لسه جاية في الطريق .


"إذا الشعب يوما أراد الحياة .. فلا بد أن يستجيب القدر"


ألم نرد الحياة بعد ؟!

2#

2-1-2011

ذهب مع الريح

:(

:|

1-1-2011

21 innocent people were killed and more than 70 were wounded

 al-Qiddissin Church-Alexanderia