(2008-2011)
Note: I only changed the template cuz the old one doesn't work any more

الأحد، يوليو 10، 2011

فانيليا تبحث

خلصت امتحانات الحمدلله
و قررت أعزل لمدونة جديدة
فانيليا تبحث
مممممم
لسه ماعملتش فيها حاجة
بس هتبقى المقر الجديد ان شاء الله
الله المستعان
:)

الأحد، يونيو 26، 2011

دي مصر عايزة جماعة فايقين



- بس انتِ ابقي فهميهم :)

الجمعة، يونيو 24، 2011

بحلم


بمصر الحرية و العدالة و الكرامة
بوطن عربي واحد
بفلسطين حرة

الثلاثاء، يونيو 21، 2011

...


الأول
الثاني 
الثالث
الرابع
الخامس
السادس
السابع

الله المستعان

الأحد، يونيو 19، 2011

...

"كنا نجلس هناك عصرا بالقبوعلى مقعد خشبي..بيني وبينها جلست طفلة صغيرة تمسك بأيدينا..أدركت وجودهن دون النظر إليهن..الغريب أن القبو كان مفتوحا على الشارع!!
سمعنا أصوات أشباح تتحدث لبعضها..إلتقطت بعض الحروف لأستنتج أنهم يتحدثون الفرنسية..
كل قلقي  كان على الطفلة الصغيرة..حقا أشفقت عليها كثيرا
قررت الهروب رغم تأكدي من أنهم سيلحقون بنا
انطلقت و انطلقن خلفي كعربات القطار
لم نستغرق الكثيرمن الوقت لنصبح بالخارج
العجيب أن الأشباح لم تلحق بنا
لكن شعورا ما أخبرني أنهم معنا
الآن أريد أن أخلص الصغيرة! أريد أن أتركها بمأمن عنهم..ولكن كيف و هم حتما سيعلمون؟
صارت الطفلة طفلا أصغر منها..لكن الأمر بدى و كأنه كان كذلك منذ البداية..ولم يتبدل  شعوري بالخوف عليه..
تجولنا في الشارع بين المارة ذهابا و إيابا..
مررنا بتلك الصبية الصغيرة..من مظهرها أدركت أنها من أطفال الشوارع..
كانت جميلة حقا بملامح سمراء جذابة و شعر بني جمعته للخلف ليعطي مظهرها شيئا من الهندمة..
في عينيها العسليتين بدى ذكاء مخيف..أخبرتني أنها ستجيد الإعتناء بالصغير أفضل منا إن أعطيته إياها ..قالت مبررة:  "عندي زيه"..
فكرت للحظة في أن أعطيه إياها..خاصة أنني متيقنة من أن الأشباح ستعرف طريقه بشكل أو آخر..ما الفائدة إذن من إبقاءه معنا..ثم إن شعوري بالذنب سيكون مخففا عندما يأخذوه منها و ليس مني..
عندما نظرت لعينيها و ابتسامتها المريبة قطعت الشك  باليقين وقررت  أن أبقيه معنا إلى أن نجد شخصا نثق فيه..قلت لنفسي "هعمل اللى عليا وخلاص"..
أكملنا الطريق..ومن بعيد لمحت وجها آلفه ..وقفت هناك و على وجهها ابتسامة صادقة و معها وقفت والدتها..
شعرت و كأني أتنفس الصعداء..فوجودهن أشعرني بالطمأنينة..
ذهبت إليهن و  عرضت على الأم أن تكفل الطفل و أن تبقيه معها
بدت مترددة..لكنني قلت لها ...
__________________

قبلها بيوم كانت معنا في فرنسا..حمدا لله بدون الطفلة..لكنها أرادت أن تستقل "ميكروباص بيعدي على جامعة القاهرة" ..
في نفس اليوم رأيت تلك الأم تخبر أبنائها بأنه لا وجود للزومبيز..فقد عادت لتوها من القرية المجاورة ولم تجد أثرا لهم
لكن قلقها فضحها..أسرعت تخطو لخارج الحظيرة لتهرب من نظرات صغارها المتسائلة المحاصرة..لكنهم لحقوا بها وسألوها عن سبب وجود الدماء التي كانت على خده
حاولت أن تبرر بأن قالت ..."
__________________

"قالت ساخرة : فانيليا؟؟ أكيد هبطل أتابعها لحسن يحصلي حاجة في دماغي"
__________________

جميع ما ذكر بين الأقواس كان مجرد أحلام رأيتها في منامي ..أو قد نسميها هلاوس فترة الإمتحانات

الجمعة، يونيو 17، 2011

...



إيه الفايدة

 من انك تكتب كل كبيرة و  صغيرة و كل  تفصيلة في حياتك على فيس بوك و تويتر ؟

 من انك تسيب صحابك في الكلية -المدرسة  (بعد ما قضيت طول اليوم معاهم)  و ترجع تقابلهم على النت؟

 من انك تبقى مع صحابك في مكان وتكتب" أنا مع صحابي فلان و فلان  في الحتة الفلانية" ؟ و طبعا مش هتنسى تعملهم تاج و هم أكيد مش هيتأخروا و يردوا عليك بعد ثواني. 

من انك تبقى في مكان حلو مع ناس بتحبهم و تقضي
كل الوقت  بتصور في صور عشان ترجع توريهم لصحابك على النت؟


ليه

صحابك بيبقى دمهم أخف على النت و ما بيبطلوش ضحك؟


امك و ابوك عشان يعرفوا يكلموك أوحتى  يندهولك من الأوضة اللى انت فيها في البيت لازم يكتبولك على "الحيطة" أو يبعتولك رسالة؟

 و لما بيعملوا أكاونتس عشان يعرفوا يتواصلوا معاك برده بتحس ان دمهم تقيل - مش لايق عليهم - ايه اللى جابهم هنا؟



إيه الفايدة لما تبقى حريص توري الناس انك سعيد لما مش دي الحقيقة؟ و ليه تتبسط انبساط مش حقيقي؟
هو السعيد بيقول أنا سعيد؟
وليه تتشغل بتسجيل اللحظة عن اللحظة نفسها و تخاف تضيع لما انت عندك كاميرا اسمها ذاكرتك بتطلع صور أحلى من الحقيقة؟
ليه تبني حاجات في عالم افتراضي وانت عارف انه افتراضي..و ما تبنهاش في عالم الواقع..أيوه أصعب بس في النهاية هتبقى عارف انها واقع.
___________

دي أكيد مش دعوة ان الناس ما تشاركش و ما تسجلش أفكارها و مشاعرها.. بالعكس المواقع الإجتماعية عرفتنا لأي مدى التجربة الإنسانية واحدة و ازاي الناس في الآخر متشابهين و بيتشاركوا في حاجات كتير مهما اختلفت ظروف حياتهم(الكلام اللي بناخده في الكلية ده) و إحقاقا للحق الإيجابيات اللى الواحد شافها خلال تجربته مع النوعية دي من المواقع كان أكتر من السلبيات.
بس في النهاية كلنا عارفين ان الإفراط في أي حاجة وحش واننا نستفيد من الحاجة
بشكل سطحي وحش برده..بس الواحد بيفكر نفسه من وقت للتاني.


نصيحة اليوم:وقف شوية انشغالك بحياة الناس و هم بيقولوا ايه و عيش حياتك انت.

نصيحة تانية:لازم يبقى فيه وقت للناس و وقت لعيلتك و صحابك و وقت لنفسك..لما تعرف توازن مابينهم وتدي كل حاجة فيهم حقها ابقى قابلني :)

الخميس، يونيو 16، 2011

...

"I no doubt deserved my enemies, but I don't believe I deserved my friends."
Walt Whitman
______________________

كيان
:)

الثلاثاء، يونيو 14، 2011

D:



I LIKE chocolate milk

الاثنين، يونيو 13، 2011

...



حلو البرنامج ده


أنا برضه زي بلال فضل سعيدة بنفسي اني ساعتها ما كلتش من الكلام بتاع الخطاب 
D:
و ما كانش عندي ولو ذرة تعاطف مع مبارك..بالعكس كنت حاسة ان كلامه مستفز لمشاعر الناس وصيغة الكلام فيها غرور و عجرفة عشان كده استغربت جدا لما عرفت ان في ناس عيطت!

أصلا عمري ما تعاطفت مع الراجل ده..من و أنا صغيرة.
في حاجة فاكرها من زمان و فضلت ثابتة في دماغي
وتقريبا ده كان أول انطباع في حياتي أكونه عن مبارك 
سمعتهم مرة بيقولوا "مبارك حضر جنازة فريد شوقي و ما حضرش جنازة الشيخ الشعراوي"
الكلام ده كان في98..يعني كان عندي 7 سنين 
اللى فاكراه اني ساعتها ماكنتش بحب فريد شوقي..ماعرفش ليه..و كنت بحب الشيخ الشعراوي (ربنا يرحمهم و يغفر لهم)
فمبارك بقى مع فريد شوقي و بسام بتاع كابتن ماجد في فريق الأشرار

هم كانوا دايما بيتكلموا في السياسة .. و أنا كنت بحب أسمع
حتى الشيخ حمد ما كنتش بحبه ولا كنت بحب صوره اللى دايما محطوطة في أول الأجندات
كنت و( مازلت ) بحب البلد و الناس بس هو لأ
عشان كنت بسمعهم بيقولوا انه عمل انقلاب على أبوه (الشيخ خليفة) بمساعدة أمريكية و استغل فرصة انه مسافر
و ان الشيخ خليفة كان راجل كويس و أحسن منه
أنا ماشفتش الشيخ خليفة..بس كنت حاسة ان حمد شرير جدا..و ان إزاي حد يعمل كده في باباه؟
و بالتالي أصبح حمد و مبارك و فريد شوقي و بسام بتاع كابتن ماجد  في فريق الأشرار.

فريق الأشرار بتاع رؤساء الدول و بسام فضل يكبر و يزيد كل ما الواحد كبر
مع ان الحياة مابقتش أبيض و أسود زي ما الواحد كان شايفها
بس هم أثبتوا استحقاقهم للقب أشرار عن جدارة
و الجايزة الأولى مش عارفة تروح لمين بصراحة؟
مبارك ولا صالح ولا القذافي ولا الأسد؟

___________________

بسام طلع راجل غلبان..هو كان بيعمل ايه غير انه يزق كابتن ماجد و يكعبله؟
بس يمكن لو كان موجود  لحد دلوقتي مبارك كان هيبعتله قناص يقومله بالليلة 
__________________

من كل رؤساء الدول العربية اللى عاصرتهم 
ما احترمتش و قدرت غير الشيخ زايد (ربنا يرحمه و يغفرله)

الأحد، يونيو 12، 2011

...



الخميس، يونيو 09، 2011

...



"لم تعد تلك الصغيرة"
بتفكرني بفيلم
toy story2
طيب المفروض دي حاجة كويسة ولا وحشة؟
عادي بقى

زاكري أحسن
:P

الأربعاء، يونيو 08، 2011

...


«من قتل نفساً بغير نفس أو فساد في الأرض فكأنّما قتل النّاس جميعاً ومن أحياها فكأنّما أحيا النّاس جميعاً» المائدة 32 

 "لزوال الدنيا أهون على الله من قتل رجل مسلم"
الراوي: عبدالله بن عمر المحدث: الألباني المصدر: صحيح الجامع - الصفحة أو الرقم: 5077
خلاصة حكم المحدث: صحيح

__________

بمناسبة ايه؟؟
بمناسبة كل اللى بيقولوا "فلسطين ما تهمناش عشان  الفلسطينيين..احنا اللى يفرق معانا المسجد الأقصى بس"
و نسيوا ان حرمة الدم أعظم من حرمة  المسجد

و بمناسبة اللى عايزين يسامحوا مبارك أو يسامحوا الداخلية و يبدأوا معاها صفحة جديدة من غير تصفية حسابات

و أنا صغيرة كنت بسمع دايما قصة المرأة اللى قالت "وا معتصماه" قام عشانها جيش..من غير ما تموت ولا حاجة
 دلوقتي حاسة ان القصة دي أسطورة خيالية

احنا مش في ايدينا نحارب اسرائيل دلوقتي

بس في ايدينا نحاسب مبارك و الداخلية
(لو عايزين)


الثلاثاء، يونيو 07، 2011

...



مش عارفة أقول غير ربنا يثبتكم و ينصركم
):

السبت، يونيو 04، 2011

...

ما لي عازة...بس مش مطول
غدا يوم أفضل
(مشروع ليلى )

___________


BY:Vanilla
Smile..7ata lw emt7an l civi bokra :D

الجمعة، يونيو 03، 2011

...



You can call me names
but history knows
I am a hero

الأحد، مايو 29، 2011

...

"Don't watch the clock; do what it does. Keep going."

السبت، مايو 28، 2011

...


شط الزتون شطي
والأرض عربية

الأربعاء، مايو 25، 2011

simply ASTONISHED




إيثار أحمد نور

هنا


بالصدفة لقيت مدونتها..و عجبني أسلوبها جدا من أول حاجة قرأتها و حسيته مختلف و مش تقليدي
و بعدين بالصدفة عرفت ان عندها 12 سنة
مش متخيلة حد في سنها دلوقتي و بتفكر كده
طيب لما تكبر هتفكر إزاي و أسلوبها هيبقى شكله إيه؟

ما شاء الله .. بجد ربنا يحميها :)

السبت، مايو 21، 2011

!


الجمعة، مايو 20، 2011

الخميس، مايو 19، 2011

...


غرفة مغلقة
لا أحد

الأربعاء، مايو 18، 2011

=)

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

السبت، مايو 14، 2011

...


let's face it

قولوا للقلقان ما يقلقشي




حيوا أهل الشام

الاثنين، مايو 09، 2011

إني ببابك


ما لي سواك
و من سوالك
يرى قلبي و يسمعه

السبت، مايو 07، 2011

...

having the worst nightmare ever

الأربعاء، مايو 04، 2011

...



4-5-2011
القاهرة، مصر (CNN)-- شهدت القاهرة الأربعاء، حفل توقيع المصالحة الفلسطينية وإنهاء الانقسام الداخلي بين حركتي حماس وفتح، بمشاركة رئيس المكتب السياسي لحركة حماس خالد مشعل، ورئيس السلطة الوطنية الفلسطينية، وذلك بعد توقيع الجانبين على وثيقة المصالحة في العاصمة المصرية الثلاثاء.

الاثنين، أبريل 25، 2011

...

16 يوما
ما أسرع الأيام
فقط ان توقفت عن العد
_________

انت كويس؟
مش عارف

الأحد، أبريل 24، 2011

...

لا تغضب

الجمعة، أبريل 22، 2011

:)

الحلم مثل الورد يكبر
و الهلال يصبح قمر

الخميس، أبريل 21، 2011

...

لو أنكم توكلتم على الله حق توكله لرزقكم كما يرزق الطير تغدو خماصا وتروح بطانا "

الأربعاء، أبريل 20، 2011

...


الثلاثاء، أبريل 19، 2011

عادي بقى


"سلكت طريقاً طويلاً.. طويلا ً.. و كلما أضناني المسير على قدمي حفزني على المواصلة تأكدي أن له نهاية وأنها في صالحي"  د.سلمان العودة 

_________________


دايما كنت بفكر إني لما أكبر هبقى شخصية مختلفة..العيوب اللى مش بحبها فيا هتختفي..و أخطاء معينة هتقل أو مش هتتعمل.

و اديني كبرت...بس واضح ان الموضوع مشي بالعكس
أنا مش أنا اللي كنت متخيلاني
بس مش عارفة ابقى ازاي أنا اللى كنت متخيلاني
عشان صورة أنا اللى كنت متخيلاني مش واضحة

الاثنين، أبريل 18، 2011

يا فلسطينية


الحلم بيقرب
:)

السبت، أبريل 16، 2011

عادي بقى

كل واحد عنده مشاكله
بس في ناس بيشوفوا مشاكلهم أكبر مشكلة
أنانيين!!

و أنا كمان
_________

هم مش عيلتك
خليك بس فاكر
_________

الطلوع و النزول كتير بيتعب!
_________

يا حي ياقيوم برحمتك استغيث فأصلح لي شأني كله ولا تكلني لنفسي طرفه عين

الاثنين، أبريل 11، 2011

...

من مبنى مرتفع تسقط

قلبك يقارب التوقف من الرعب
و عند اقتراب ارتطامك بالأرض
تغمض عينيك 
تفتحهما لتجد نفسك في السرير
 تحمد الله 
فاللمرة ال .... كان مجرد كابوس*

ساعات ببقى نفسي أغمض عيني و أفتحها ألاقي أصعب جزء عدى

*كان بيتكرر زمان بس الحمد لله دلوقتي لأ


الجمعة، أبريل 08، 2011

حتى لا ننسى



8-4-2011
ذكرى مذبحة بحر البقر

السبت، أبريل 02، 2011

عشرين


2-4-2011

انهرده
بقى
عمري 

عشرين
:)

الجمعة، أبريل 01، 2011

في ذكرى الميلاد العشرين



في ذكرى الميلاد العشرين لفتاة من أرض فلسطين 

وقفت تتأمل حاضرها في أرض يكسوها الطين

خلف الاشواك السلكية عاشت أياما وسنين 
ما بين الماضي وظلامه وحنينا في القلب دفين 
والحاضر في بطء يمشي يمشي يمشي 
مثقول الخطوااات حزين 



لكن من أين المستقبل والشعب طريد وسجين 
أتعيد فتاتي المسكينة لتعمر أرض فلسطين ؟؟
أم تأتي كالماضي الاسود بغزير دموع وأنين 



أتحدى.. لا يا مستقبل سأعود بعزم ويقين 
وسأمسح عن امي الدمعة أعطيها في يدها سكين 
وأرد الى خالي روحه وأعلق في كتفه مدفع 
أهديه الامل الوضاء أملي في يوم أن نرجع 
للارض المحبوبة ارضي, للزهر النادي للورد 
ما عادت ترهبني القوة فالقوة يملكها زندي

الاثنين، مارس 28، 2011

أخضر (2)


أخضر!!
الإشارة فتحت ..عدي!!
أخضر ؟!
قدامك سكة سفر..بلاد الله واسعة!!
أخضر
"إذا قامت الساعة وفي يد أحدكم فسيلة فليغرسها"
أخضر
وَيَلْبَسُونَ ثِيَاباً خُضْراً

الأربعاء، مارس 23، 2011

فلسطين

فلسطين راجعة راجعة ان شاء الله
بينا أو من غيرنا
كل الحكاية انك هتحدد دورك
مشارك ولا متفرج

السبت، مارس 19، 2011

استفتاء 19 مارس


19-3-2011
لأول مرة في حياتي أدخل لجنة انتخابية
لأول مرة في حياتي أحس إني "مواطنة"

و حنيت إيدي بالأحمر
:)

الاثنين، مارس 14، 2011

يا فلسطينية





يا فلسطينية و أنا بدي أسافر حداكو
ناري بإيديا و إيديا تنزل معاكو
على راس الحية و تموت شريعة هولاكو

الأحد، مارس 13، 2011

عن الإستفتاء

اسمع نوارة نجم اصدق ..أشوف تهاني الجبالي استعجب
أنا  مش عارفة مين الأصح
و كل ما اسمع لناس أكتر أحتار أكتر
كل واحد عنده أسباب منطقية جدا لرفض أو قبول التعديلات
كده كتير بقى

يـــا رب 
اللهم أرنا الحق حقا و ارزقنا اتباعه
و أرنا الباطل باطلا و ارزقنا اجتنابه

الاثنين، فبراير 28، 2011

و

و  بلاش قلبك يبقى اسود

الأحد، فبراير 27، 2011

...

أيها القابع بالداخل
مش هتطلع بقى؟

الاثنين، فبراير 21، 2011

حسبنا الله ونعم الوكيل


الله أكبر فوق كيد المعتدي
والله للمظلوم خير مؤيد

يا رب انصرهم

لكم الله يا اخواننا في ليبيا

النصر قريب بإذن الله

 (يا أيها الذين آمنوا اصبروا وصابروا ورابطوا واتقوا الله لعلكم تفلحون)

الجمعة، فبراير 18، 2011

...

هو التركيز ليه لسه على أخبار مصر؟
مع ان الدنيا بتتقلب في ليبيا و اليمن و البحرين

قناة الجزيرة و العربية
و ورونا مصداقيتكم و حرية الرأي لما الموضوع بيجي لدول الخليج

يسقط كل حاكم ظالم

السبت، فبراير 12، 2011

لن نرحل




We will never submit
We will never leave
We will never be silenced
We will never forget

الجمعة، فبراير 11، 2011

11-2-2011

11-2-2011
انتصار إرادة الشعب المصري بتنحي مبارك عن الحكم


الحمد لله حمدا كثيرا

الخميس، فبراير 10، 2011

في الانتظار


كل الناس بتقول يا رب
يااااااااااااااااااااااااااااااااااااااااااااااااااا رب

الثلاثاء، فبراير 08، 2011

السبت، فبراير 05، 2011

we will never forget


سفاح
و مش هننسى
و حسابك عند ربنا
اللهم إنا مغلوبون فانتصر

الجمعة، فبراير 04، 2011

الروائي العالمي باولو كويلو للمصريين: لا تنسحبوا عانوا الآن وعيشوا بقية حياتكم كأبطال


نقلا عن الدستور :
وجه الكاتب البرازيلي العالمي باولو كويلو رسالة تضامنية للشعب المصري على حسابة الشخصي على موقعي الفيس بوك وتويتر يوم الجمعة قائلا:"لا تنسحبوا. عانوا الآن وعيشوا بقية حياتكم كأبطال".
والسطور السابقة مقتبس من رواية كويلو الشهيرة "الخيمائي" التي تدور أحداثها في مصر وصدرت عام 1988.
وبدأ كويلو في تسجيل آرائه التضامنيه مع الشعب المصري منذ يوم جمعة الغضب "28 يناير" حيث كتب على الفيس بوك قائلا:"تأييدا للمصريين الذين مع الأسف لايستطعيون قراءة ذلك لأن حكومتهم حجبت الإنترنت اليوم".
ثم عاد وكتب على حسابه الشخصي على تويتر يوم 2 فبراير : رواية الخيمائي تحدث في مصر. زرت مصر ثلاث مرات.مايحدث في ميدان التحرير ليس مفاجأة.
وعقب مذبحة "التحرير" التي وقعت يوم الأربعاء كتب باولو كويلو على صفحته بالفيس بوك  "مبارك عرف مسبقا أن رفضه الرحيل سوف يؤدي لإثارة الاضطرابات في مصر، حيث يتعرض الأبرياء والمسالمون للأذي بينما أكتب هذه السطور. خطته الإجرامية تنفذ. عار عليه. عار علينا نحن الذين لا نستطيع أن نفعل شيئا لمساعدة المصريين سوى الشكوى هنا. أنا أشعر بالحزن والعجز".
وباولو كويلو واحد من أشهر الروائيين على مستوى العالم،وباعت رواياته أكثر من 75 مليون نسخة حتى الآن .

جمعة الرحيل

4-2-2011
يا رب تكون جمعة الرحيل
يارب سلم اخواتنا  و احفظلهم
يا رب أهلك الظامين
يا رب أرنا الحق حقا و ارزقنا اتباعه و أرنا الباطل باطلا وارزقنا اجتنابه .


المشهدين اللى قناة الجزيرة و العربية عرضتهم اللى فيهم سيارات بتدهس المتظاهرين مؤلمين أوي
أنا مش عايزة أحطه هنا هوصفه بس .. سيارة أو مدرعة من بتوع الأمن المركزي جاية بسرعة من آخر الشارع 
و في متظاهرين في نص الشارع 
السيارة بأقصى سرعتها و بدون انذار تدهس الناس!! كأنهم قطط .. كلاب .. خرفان !! 
منظر بشع لأقصى الدرجات ... و اتكرر .. يعني تعليمات مش مجرد تصرف شخصي من عسكري أمن الدولة .. قصدي إرهاب الدولة .. 
 أي قلب أو ضمير أو  دين سمحلك تعمل كده في أخوك ؟؟
 و يا للي بيقولوا عليك ريس .. هتقابل ربنا ازاي ؟؟ هتقوله ايه ؟؟
و ياللى بتقولوا  نهدي الدنيا و استقرار و مفاوضة ... لو أخوك،أختك،أو أي حد عزيز عليك كان اتفرم تحت عربية من دول .. كنت هتقول نفس الكلام ؟؟ كنت هتسيب دم أخوك يضيع هدر؟ أخوك اللى طلع يطالب بحريته و حريتك  و حرية كل المصريين .. كنت هتتنازل عن حقه؟ 
كل اللى بيتكلموا دلوقتي عن التهدئة هم الناس اللى قعدوا في البيت متفرجين.. ولا شافوا بهدلة ولا سحل ولا شافوا صحابهم بيموتوا قدامهم عشان حاكم ظالم مش عايز يتنازل عن كرسيه .. حاكم استكبر حتى يعتذر لأهالي الشباب اللى ماتوا .. 
دم المصريين رخيص عند مبارك و دي حاجة مش جديدة .. 
أنا بكلم اللى  بيقولوا نهدي .. الحاكم اللى يقتل شعبه ما يستحقش يعد ولا يوم زيادة .. دي ثورة ضد نظامه كله .. أي حاجة ممكن تتغير بإرادة الشعب .. القوانين والدساتير و كل حاجة .. الدنيا مش هتقف عليه .. هو لو مات دلوقتي هنعمل ايه ؟؟ البلد هتضيع ؟؟
اعتبروه مات و شوفوا هنتصرف ازاي ..
اللى يتهاون في حق اخوه ما يزعلش لما يجي يوم و الناس تتهاون في حقه .. 
اسرائيل و أمريكا مش واقفين على الباب و مستنينه يمشي عشان يدخلوا .. بلاش أفلام الكارتون .. هو مبارك بالقوة دي عشان يمنع أمريكا لو عايزة تدخل أصلا .. أمريكا خسرانه كتير في حرب العراق و محدش هناك عنده استعداد يدخل في حرب تاني ، حتى الشعب نفسه .. و اسرائيل مش هتحب تخسر رجل من أشجع رجالها زي مبارك .. اللى كان بيصدرلهم غاز بأبخس الأسعار .. اسرائيل مش بالقوة اللى تدخل بيها حرب جوة و بره .. مش دلوقتي على الأقل ..
ان مبارك يمشي مش آخر الدنيا .. هو مش إله .. الدنيا مش بتقف على شخص .. و في مخارج قانونية لكل حاجة مدام الشعب اللى هو أكبر قوة عايزه يمشي .. القوانين موجودة عشان تحقق مصالح الناس مش تقمعهم ..
مبارك مجرم قبل العادلي .. ليه شفت صفحة على الفيس بوك اسمها " مليون مصري لإعدام العادلي " ؟؟ ليه مش  العادلي و مبارك ..
انت حتى لو متبني توجه الاستقرار .. ليه مش محمل مبارك أي مسئولية ؟؟ أنا مش قادرة أفهمكم !!! و ليه بتقولوا للناس في ميدان التحرير يرجعوا ؟ و ماقلتوش لمؤيدين مبارك بلاش تنزلوا ميدان التحرير و تضربوا اخواتكم ؟؟ عشان عارفين انهم مش مؤيدين ولا حاجة و بلطجية ؟؟ معنى انهم بلطجية يبقوا مش اخواتنا .. اخويا ما يضربنيش عشان بطالب بحقي و حقه و حريتي و حريته .. أخويا ما يضربنيش بقنابل مولوتوف و رصاص حي .. يبقى دي مش فتنة .. الفتنة تبقى بين الاخوات .. مش بين ناس على حق و ناس ظالمة عايزة تخنق صوتهم بالقوة .. فكروا شوية أرجوكم .. كلمة فتنة بقت فوبيا عند ناس كتير و أول  ما بيسمعوها بيترعبوا .. حادثة القديسن قالوا فتنة و الحقيقة اننا ما كناش عارفين مين اللى فجر الكنيسة  وما حدش كان يعرف اذا كان مسلم  ولا لأ
هم اللى دايما بيطلعولنا بعبع نخاف منه عشان نفضل خايفين و مرعوبين و نتشغل عن أي عك بيعملوه ..  وكل شوية البعبع بيتغير مع تغير الظروف ..
يقولك مش ماشي عشان الاخوان هييجوا .. يا عم احنا مش أطفال .. لو فيه دستور محترم .. لو فيه انتخابات حره .. لو احنا دولة مؤسسات حقيقة ... لو مافيش مركزية في الحكم .. الشعب هيختار بإرادته اللى هو عايزه ... و اللى اختاره ده مش هيمشي الدنيا من دماغه .. في حجات كتير هتحكمه .. زي أمريكا كده .. كل الرؤساء اللى بييجوا  سياساتهم واحدة عشان رأييهم مش من دماغهم .. و لو فيه فروق بينهم فهم بيتفقوا على خدمة مصالح البلد مش مصالحهم الشخصية ..مش بالضروري عشان وطنيين بس عشان عارفين ان فيه ناس بتحاسبهم ودي مش عزبة باباهم ..
أنا بجد زهقت من الكلام الكتير اللى حواليا .. بس أكتر حاجة مدايقاني هي ان ناس كتير مش فارق معاها دم الناس اللى ماتت عشانا كلنا
عشان عايزين ماهيتم و مرتباتهم..أو عشان صعبان عليهم مبارك .. و اخواتك مش صعبانين عليك ليه ؟؟
اللى ماتوا دول اخواتنا و كان ممكن يبقى احنا ..ما ينفعش ما ينفعش نتهاون في حقهم بأي حال من الأحوال .. و مبارك هو المسؤول الأول مش العادلي .. قالك رجل الحرب والسلام .. هو فعلا رجل الحرب ..رجل حرب شاطر كمان و بيعرف يراوغ كويس ..
 ما تفكرنيش بإنجازاته .. ده كان واجب عليه .. ولا هو كان بيحكمنا ليه ؟؟ مش عشان يخدم مصالحنا ؟؟ إنجازانه ضيعها بفساده و ظلمه و جبروته و إجرامه .. هو لو خايف على البلد بجد زي ما انتو مصدقينه  و مش حريص على المنصب كان بعد ما عين النائب بتاعه كان يتنحى و يحقن دماء المصريين .. مش هو المفروض النائب ده حد بيثق فيه ؟؟ ولا هو كده منظر و خلاص ..


سؤال هيجنني
ليه انقسمنا ؟؟ ليه ما نتوحدش على اننا نمشي الراجل اللى بيموت في اخواتنا و دمنا رخيص عنده  ؟؟ مش ده أسهل ؟؟



الخميس، فبراير 03، 2011

تعقيبا

كل اللى شفناه طول الاسبوع و التغييرات السريعة تخلي انه من الطبيعي جدا الهيستيريا اللى الناس فيها
ممكن أتفهم جدا ان الناس تنقسم في الفترة دي 
بس فيه حاجات من وجهة نظري شايفة انها المفروض تبقى واضحة قدام ناس كتير البعض متجاهلها تماما .. منهم بسبب الخوف .. و منهم علشان بيقتنعوا بالتلفزيون المصري.. و منهم لأسباب أخرى مش قادرة استوعبها .. 
هقول شوية حاجات مقتنعة بيها و حاجات استفزتني الفترة اللى فاتت ..
أول الحاجات اللى مقتنعة بيها هي ان مبارك أجرم في حقنا كلنا  .. ليه ؟؟
لأنه المسؤول الأول عن الشباب اللى ماتوا و اتصابوا يوم الجمعة (جمعة الغضب..عددهم تخطى ال 150 ) و اللى ماتوا و اتصابوا انهرده في التحرير ( نحسب من ماتوا عند الله شهداء)
محدش بقى يقوللي حبيب العادلي أو غيره هو الغلطان ؟؟؟ لحد امتى هنفضل نحاسب الوزير و نمسك في الفرع و نسيب الأصل
بقالنا سنين بنشتم في الوزراء و مفيش حاجة بتتغير ..عشان المشكلة فيه هو مش في الوزراء .. المشكلة فيه وفي اختياراته و لازم يتحمل نتايجها ..
و أجرم في حقنا لأنه المسؤول الأول عن الفساد في البلد .. فساد الصحة و التعليم و النقل و الداخلية و كل المؤسسات الاخرى.. أيوه معاه حاشية فاسده ده أكيد بس هو زعيمهم .. 
أرجوكم بلاش كلام عبيط من بتاع اصله ما كانش يعرف .. يبقى عذر أقبح من ذنب .. يعني احنا كمواطنين عارفين
وهو اللى ربنا هيسأله عننا مش عارف ؟؟ "كلكم راع وكلكم مسؤول عن رعيته" .. لو فعلا فعلا مش عارف يبقى مش كفء لانه يبقى رئيس .. 
بس شخصيا شايفه ان مبارك قاتل و رئيس عصابة ودم كل الشهداء في رقبته هو قبل العادلي.. 
تاني نقطة لازم نتفق عليها هي ان مبارك لم يمنحنا شيئا و لم يتنازل .. كل الحجات اللى قالها في خطابه حقوق .. و لما الواحد بياخد حق اتحرم منه سنين ما بيقولش للي حرمه منه متعمدا شكرا .. هو مش بيمنحك حاجة بتاعته أو يملكها ..ده حقك و انت رجعته ... و في فرق بين انك تاخد حاجه .. وبين  انه هو يمنحهالك ..  لذلك مفيش حاجة اسمها "شكرا يا ريس" .. ده هو لو كان يقدر ماكانش تراجع و لا خطوة.
 ثالث حاجة هي ان مبارك ما يستحقش يمشي بكرامة .. يمشي بكرامة ليه و هو كان بيكسر الكرامة في المصريين كل يوم؟؟ .. المصري اتهان جوه مصر ان كان من الداخلية أو غيرها .. واتهان بره مصر لما محدش كان بيجيبله حقه أو يدافع عنه زي ما كل الدول بتعمل مع ولادها حتى القتلة منهم ..
مبارك عمل حاجة عمري ما شفتها في أي بلد .. رئيس بيعند مع الشعب بتاعه
هم يقولوا امشي و هو يقولهم لأ مش ماشي .. هضربكم و أموتكم و اسفك دمائكم بس مش ماشي .. و كأنها عزبته .. و كإن الشعب كومبارس في فيلم من بطولته هو ..
و طالع يقول انه عايز يصلحها(البلد) قبل ما يمشي ... لأ مع عدم احترامي مش مصدقاك .. اللى خربها عامدا عشان يأدب و  يعاقب الناس عمره ما هيعمرها .. 
رأيي الشخصي انت لو فعلا ليك انجازات طول ال 30 سنه .. انت ضيعتها  بتكبرك و اجرامك و ردود أفعالك البطيئة بطريقة مبالغ فيها 
ما حدش يشبهه  بالملك فؤاد اللى اتضربله 20 طلقة تحية و هو ماشي .. الراجل كان وطني بالرغم من اصوله التركية ..  و مشي بالرغم من انه كان عنده أعوان .. مشي عشان يحقن دماء المصريين .. هناك فرق يا أعزائي ..
و مبارك مش رمز .. واللى بيعتبره رمز يبقى زيه ... كفاية تأليه للرؤساء بقى ..
 اللى بيقول بقى  انه زي والده هو حر لو دي حاجة تشرفه .. بس مافيش حاجة يا سادة في السياسة اسمها "راجل كبير نحترمه و عنده تمانين  سنه و انتو كده بتدخلوا ابوكم دار مسنين" .. ده مش كلام منطق و سياسة .. ده كلام خالتي ام حمادة وهي قاعدة تقمع البامية .. السياسة ما فهاش سن .. السياسة فيها مسؤوليات الواحد يعملها .. لو معملهاش يتحاسب ..  و لو مش قادر يعملها عشان سنه يقعد في بيتهم أحسن .. احترمك لما تخدم البلد و تحب ولادها .. تستعبدهم و تطلع عينهم و في الآخر تموتهم  طبعا مش هحترمك ..
رابع حاجة ماحدش يقولي ان وجوده دستوري و ما ينفعش نسقطه .. كلنا مش هننسى الانتخابات المزوره ... الله يرحم ال 99.9%
مش معنى ان وجوده أمر واقع يبقى دستوري .. دستور ايه ده اللي بيتفصل على مزاج الرئيس  و يخلي كل الصلاحيات في ايده؟؟.. الدستور على  بعضه لازم يتغير مش مادتين ولا تلاته. 
خامس حاجة ان مبارك ما يتوثقش فيه .. و من ساعة ما وعيت ما شفتهوش وعد وعد و أوفى بيه والله أعلم ايه الورق اللى مخبيه .. مصر اتقلبت في اسبوع .. قدامه 6 شهور الله أعلم هيعمل فيهم ايه و يرتب نفسه ازاي و بمعاونة مين (ما يغركوش ان شكله عجوز و مش قادر يقف على حيله و كلام خالتي أم حمادة  )  و أي حد هيحاول يتكلم ساعتها هيقولوله "كفاية بقى حرام عليك احنا ما صدقنا عايزين نعيش في سلام..انت عايز ترجعنا لأيام حظر التجول تاني ..انت عايز تعمل فتنه .. انت عايز تخربها عشان ترتاح .. انت عندك اجندة ...انت ملعوب بعقلك و في قوى خارجية بتستغلك" طبعا كل ده من خلال الاعلام المصري العظيم و هناء و سيد .. الهي ربنا يباركلهم .
سادس حاجة ..ليه صيغة الكلام عن الشباب من قبل بعض الناس "هم و احنا  و انتوا و احنا"؟؟ شبابنا طلع ينادي بحقوق  كل مصري على أرض مصر .. ما طلعش ينادي بحقوقه لوحده .
سابع حاجة كلمة " الرسالة وصلت خلاص اسكتوا " سمعناها من أول يوم .. و اكتشفنا انها مش واصلة ولا حاجة .. بطلوا الكلمة دي بقى .
ثامن حاجة .. لو فيه حد فضحنا و فرج علينا العالم يبقى مبارك مش غيره .. روحوا لوموا عليه.. ماتلموش على الناس السلمية المتحضرة .

الكلام يطوووول ..و كلنا محوشين كلام كتير اتكربس على بعضه .. ما كنتش عايزة اتكلم دلوقتي في الهيستيريا دي عشان أصلا محدش قادر يسمع حد في الفترة دي و في طاقة عدائية منتشرة .. بس أهو بقى بزيط في الزيطة .. ما النت رجع و كل الناس بتتكلم ..
بس عموما لينا كلام تاني ان شاء الله


آخر حاجة:  دم شهداء الانتفاضة غالي مش رخيص ..مش هينفع ننساهم و نفرط في حقهم .. ربنا يغفر لهم جميعا و يرحمهم و يسكنهم فسيح جناته .

الله المستعان

أشد على أياديكم





"أناديكم
أشد على أياديكم..
أبوس الأرض تحت نعالكم
وأقول: أفديكم
وأهديكم ضيا عيني
ودفء القلب أعطيكم
فمأساتي التي أحيا
نصيبي من مآسيكم.
أناديكم
أشد على أياديكم..
أنا ما هنت في وطني ولا صغرت أكتافي
وقفت بوجه ظلامي
يتيما، عاريا، حافي
حملت دمي على كفي
وما نكست أعلامي
وصنت العشب الأخضر فوق قبور أسلافي
أناديكم... أشد على أياديكم!!"

thanx Green Olive =)
sar2taha