هتعمل إيه؟؟

لما تحب حاجة بتعملها قوي ..

حاجة بتحسسك بأهميتك وبأهمية وجودك انت بالذات ..

و الحاجة دي بتخليك تستحمل حاجات تانية ماكنتش بتستحملها ولا بتطيقها بالرغم من ان الحاجات التانية دي قد تكون محتلة المركز الأول في أولويات أي حد زيك ، في عمرك ، و في موقفك ..

لما الحاجة دي تديك حماس و شغف عمرك ما دقته في حياتك كلها ..

لما الحاجة دي ترجعلك سعادة كنت فاكرها ضاعت ومش هترجع تاني أبدا .. سعادة من اللى بتخليك طاير مش ماشي على الأرض ..

بتتعلم حاجة جديدة كل يوم ..

بتاخد خبرات و بتخوض تجارب عمرك ما توقعت انك تخوضها ..

بتحقق أحلام وأماني حلمتها واتمنتها و فوقها كمان ..

و فجأة

تلاقي حلمك بيتحول لكابوس

و جناحاتك بتقع

و طعم الحلاوة اللي دقتها بيتحول لمرار ..

ليه؟؟

سؤال سألته لنفسك ميت ألف مرة ..

ولا مرة بتجيلك إجابة واضحة

ولا مرة بتجيلك إجابة مقنعة

بس المشكلة إنك عارف

إن مش هو ده السؤال اللى بتدور على إجابته

لإن السؤال الأصعب دلوقتي هو

هتعمل إيه؟؟؟؟